Have you received 12 thousand rupees under Ehsaas program

وزیراعظم 

کے احساس پروگرام کے تحت مستحقین میں 12 ہزار روپے نقد رقوم کی تقسیم کا سلسہ شروع ہے لیکن کیا آپ جانتے ہیں کہ اس پروگرام کے ذریعے امداد حاصل کرنے کا طریقہ کار کیا ہے؟

احساس پروگرام کی چیئرپرسن ثانیہ نشتر کا کہنا ہے کہ آج صبح تک احساس ایمرجنسی کیش پروگرام کیلئے 4 کروڑ 30 لاکھ 44 ہزار 60 ایس ایم ایس موصول ہو چکے ہیں۔

انہوں نے بتایا کہ اگر آپ کسی مستحق کو جانتے ہیں یا خود کو مستحق سمجھتے ہیں تو شناختی کارڈ نمبر  8171 پر ایس ایم ایس کریں اور جانیں کہ آپ اس امداد کے اہل ہیں یا نہیں

اگر آپ اس امداد کے اہل ہوں گے تو آپ کو جوابی ایس ایم ایس کے ذریعے آگاہ کردیا جائے گا اور یہ بھی بتایا جائے گا کہ آپ اپنے علاقے کے کس مرکز پر جاکر نقد رقم حاصل کرسکتے ہیں

ڈاکٹر ثانیہ نشتر کا مزید کہنا ہے کہ لوگ اپنے کوائف نادرا میں ٹھیک طریقے سے جمع کرائیں تاکہ ان کا تازہ ترین ڈیٹا حکومت کے پاس دستیاب 

خیال رہے کہ گزشتہ روز وزیراعظم عمران خان نے کہا تھا کہ کورونا وائرس کی وجہ سے احساس پروگرام کے تحت مستحق ایک کروڑ 20لاکھ خاندانوں کو  پیسےفراہم کیےجائیں گے،17ہزارمقامات سے 12ہزارروپے مستحق افراد میں تقسیم ہونگے اور اس کا آغاز جمعرات یعنی آج سے ہوجائے گا۔

عمران خان کا کہنا تھا کہ ہم 144ارب روپےنچلے طبقے تک تقسیم کردیں گے،احساس پروگرام میں کسی قسم کی سیاسی مداخلت نہیں ہے، ایس ایم ایس کے ذریعے لوگوں کا ڈیٹا آرہاہے،جن کی جانچ نادراسےکرائی جائیگی